El entrenador del Real Oviedo, Guillermo Almada, compareció na sala de prensa tres la derrota del so equipu en Son Moix na última xornada de la temporada en LaLiga EA Sports. Valoraba l'uruguayu lo vístu sobre'l terrén de xuegu como “mal; fiximos un mal partíu. Nun mos sentimos cómodos nunca, y anque xeneramos dalguna ocasión, notóse un equipu golpeáu por más que intentamos. Viose un equipu afeutáu nel anímicu”. 

Preguntáu Almada pola so decisión de nun siguir al frente del equipu la próxima temporada, el técnicu insistió en que “nun ye importante por qué tomé la decisión, lo importante ye'l Club y lo que va venir nun futuru. Dempués de Villarreal y Elche empezamos una cerilla na parte anímica que nos afeutó abondo nesta recta final”.

Cuestionáu pola so valoración al trabayu que desempeñó nel Real Oviedo, l'entrenador uruguayu señaló que “ye la primer vez que cojo un equipu a media temporada, l'equipu foi agresivu y xeneró. Perdimos munchos puntos inxustamente y dempués entramos nuna baxada que se fixo difícil na parte anímica sostener a los futbolistes”.

Sobre'l futuru, precisamente, y anque nun seya xunto a él, Almada aseguraba que Jesús Martínez ye “un home pasional, mui comprometíu cola institución, seguro que yá ta preparando la próxima temporada y les inversiones en futbolistes y en meyorar el plantel”.