El Real Oviedo zarró esti domingu la temporada en LALIGA EA SPORTS con una derrota ante'l RCD Mallorca en Son Moix (3-0), nel alcuentru correspondiente a la última xornada del campeonatu, col conxuntu bermeyón xugándose'l descensu. 

El conxuntu oviedista presentó dalguna novedá nel once, con Fores en punta, y a pesar del contestu del alcuentru, l'equipu presentó personalidá mientres la primer metá, xenerando aproximaciones a la portería rival aprovechándose del nerviosismu que se contaxiaba de la grada al terrén de xuegu nel casu de los locales. La ocasión más clara punxóla un testarazu de Dani Calvo a balón paráu, que se marchó desviau. Anotó'l Mallorca cuando más empezaba a inquietase la afición bermeyona y marchó al descansu con ventaya pola mínima nel marcador.

Tres el pasu per vestiarios, el Real Oviedo intentó reaccionar y mover el banquillu pa buscar una meyor versión ofensiva, anque'l RCD Mallorca finó ampliando la ventaya pa zarrar l'alcuentru y certificar el trunfu local, que de toes maneres, nun foi abondo pa evitar el so descensu. Va medise de nuevu el Real Oviedo al conxuntu balear la próxima temporada en LaLiga Hypermotion. 

Finaliza asina la temporada pal Real Oviedo, que pon puntu final a la so participación en LALIGA EA SPORTS tres la disputa de la última xornada del campeonatu.