El Real Uviéu súmase a la llucha contra’l cáncer de mama, pola mor del Día Mundial de la llucha contra esta enfermedá, que se celebra güei 19 d’ochobre.
D’esta manera, y amás de protagonizar dos vídeos poles xugadores del Real Uviéu Femenín falando del cáncer de mama, sumándonos a la llucha contra la enfermedá, el primer equipu va llucir mañana nes camisetes de xuegu’l conocíu llazu rosa. Va ser na parte delantera de la camiseta, ente’l logo Adidas y l’escudu de la entidá, nun únicu xuegu de camisetes ellaboraes pa esta ocasión.
Dende’l Real Uviéu amosamos tol nuestru sofitu a les persones que lluchen contra esta enfermedá, y sumámonos al rosa.