El centrucampista del Real Oviedo Santiago Colombatto, analizó la situación del equipu na selmana de trabayu previa al alcuentru del próximu domingu ante'l Sevilla.

El xugador azul reconoció que'l parón llegó nun momentu clave pa'l grupu: “Creo que esti parón viennos bien pa trabayar con intensidá y preparanos pa lo que vien. Dempués del últimu partíu, y pol cómo se dio, ye un momentu importante pa reflexonar y reaccionar”.

Colombatto nun escondió la dificultá del momentu que traviesa'l equipu, apelando a la responsabilidá colectiva nesti tramu final de la temporada: “Nun hai que escondese, tamos nuna situación complicada. Lo fundamental agora ye aferranos a les oportunidaes que nos queden. Sabemos que hai menos marxe, asina que tenemos que entreganos al cien por cien y dar lo meyor pa consiguir los nuesos oxetivos”.

Nel planu personal, el centrucampista destacó'l so compromisu diariu a la espera de minutos: “Entreno pa xugar y tar preparáu, pero la decisión ye del míster. Los compañeros tán faciéndolo bien y yo sigo trabayando pa poder ayudar cuando me toque”.

L'argentín tamién fixo referencia al desgastu acumuláu a lo llargo de la temporada: “Ta siendo un añu duru, non solo nel deportivu, tamién n'otros aspectos. Tenemos que sacar aprendizaxes pa que nun se repitan estes situaciones. Entá queden partíos importantes y debemos tar a la altura”. Amás, quiso poner en valor el sofitu de la afición oviedista: “La xente tuvo con nós nun añu complicáu y tenemos la responsabilidá de devolver-yos esi sofitu dientro del campu”.

Con autocrítica, Colombatto asumió la necesidá de dar un pasu alantre nel so rindimientu: “Nótense'l saltón de nivel y personalmente sé que tengo que meyorar. Trabayu cada día pa ello. Estos partíos son importantes pal club y pa mí, y oxalá podamos facer bonos alcuentros pa que la afición se sienta representada”.

Por último, evitó centrase nel so futuru, priorizando'l presente del equipu: “Nun ye momentu de falar d'eso. El club ta nuna situación delicada. A mí gustaría me siguir equí, toi a gustu n'Uviéu, pero toi cediu y nun depende solo de mí. Agora lo importante ye rindir al máximu y, cuando acabe la temporada, yá se verá qué pasa”.