El Real Oviedo tornaba nesta ocasión al Carlos Tartiere pa midise al CD Castellón na xornada númberu 24 de LaLiga Hypermotion. Dempués de la victoria en Cartaxena y tres les resultancies del fin de selmana, los trés puntos non podíen escapase d'un municipal uvieín que yá tenía ganes de celebrar una victoria. Para ello, el técnicu del conxuntu azul, Javi Calleja, formó d'entamu con: Aarón Escandell, Nacho Vidal, Costas, Dani Calvo, Pomares, Colombatto, De la Foz, Chaira, Paulino, Portillo y Alemão.

 

Igualdá en xuegu pero meyores ocasiones pal cuadru uvieín. Asina podríen resumise los primeros 45 minutos. La llucha de Alemão coles sos centrales foi constante dende l'entamu anque'l colexáu nun indicó un penalti que'l brasileñu pidió por agarrón na área. El "9" tamién foi protagonista nos primeros minutos con una bona acción dende'l centru del campu na qu'arrincó dirección a la portería contraria pero que remató con un mal remate que se coló esviáu. 

 

La otra clara túvola Chaira con un latigazu dende fora de la área que se coló raspiando'l palu. El combináu visitante trató d'entrar per banda y buscar los buecos al llombu de la defensa azul que llogró arreglar con nota los acercamientos del CD Castellón. Tres el descansu, l'equipu salió con aires anovaos y Sebas Moyano entró por Paulino de la Fonte nel minutu 58. Costas, a la salida d'un córner, a puntu tuvo d'abrir el marcador pero'l so remate foise alto. Los de Plat tamién llegaron con peligru y l'alcuentru entraba nun momentu onde podía cayer pa cualquier llau. 

 

Los minutos diben pasando y Calleja dio entrada a Cardero, primero, y darréu a Luengo, Lucas y Paraschiv. El rumanu tuvo la más clara namás salir al campu con un mano a mano énte Crettaz que'l porteru esvió a córner. Magar ello, l'Uviéu nun se rindió y nel 94´, na postrera del partíu, Alemão remató cola alma un balón muertu na área pa desamarrar la llocura nel Carlos Tartiere y que'l cuadru carbayón llograra la primer victoria del añu nel municipal uvieín.