Depués d’exercitase nes instalaciones deportives d’El Requexón, l’estremu del Real Uviéu Saúl Berjón desplazóse hasta Tensi pa visitar a los participantes nel tercer turnu del Campus Real Uviéu, qu’empezó’l llunes pasáu, día 10 de xunetu.
El xugador uviedista, acoyíu ente aplausos y vítores, visitó de primeres a los más pequeños, que-y dieron un dibuxu pal recuerdu y colos que Saúl tuvo de parola un ratu. Depués tocó-yos la vez a los más grandes, que sometieron a Saúl a un turnu de preguntes, pa más tarde sacar una semeya de grupu.
D’esta manera, Saúl súmase a les visites d’Anquela, Carlos Hernández, Ramón Folch y Juan Mata, que dedicando unos minutos del so tiempu son quién a facer felices y enllenar d’ilusión a los uviedistes mozos.
