El Real Uviéu sigue trabayando n’ameyorar la so imaxe a nivel nacional y internacional, y n’averar el nuestru día a día a tolos nuestros aficionaos uviedistes repartíos per tolos sitios del planeta.
Ún de los apuestes de la temporada foi la potenciación de la canal oficial de la entidá en YouTube, onde s’ufiertaron conteníos esclusivos a lo llargo de los últimos meses. Tanto los xugadores del primer equipu como los nuestros canteranos foron protagonistes de munchos vídeos, retos, entrevistes y reportaxes, mentes que los actos del club y acciones solidaries, amás de visites especiales de los nuestros accionistes, tuvieron el so sitiu pa que los siguidores uviedistes pudieren sentise más cerca de nós y conocer meyor el día a día del so equipu.
Ente los rexistros qu’hai que destacar atópase la quinta posición del Real Uviéu en media de visualizaciones por videu, namás superáu por clubes de la entidá de Real Madrid, FC Barcelona, Atlético de Madrid y Real Betis Balompié. Como datu más recién, RealUviéuTV rexistró un total de 62.500 visites que nos convirtieron na canal más visitada de toa LaLiga 123 doblando al siguiente club nel ranking.
El Real Uviéu quier estimar l’acoyida d’estos conteníos a tolos nuestros siguidores, amás del apueste de los nuestros patrocinadores nesta canal de comunicación tan importante, al algame de tol mundu.
Pues soscribite y ser el primeru en ver toles nuestres publicaciones EQUÍ.
