Llegaba'l segundu ensayu oficial de la temporada pa los de Cuco Ziganda nun Suárez Puerta con muncho oviedista para ver en directu al conxuntu oviedista, lluciendo la "sacavera" ente'l Real Avilés.
L'once inicial tuvo formáu por Femenías; Lucas, Lucas Laso, Arribas, Christian; Javi Mier, Jimmy, Joselu; Osky, Jirka y Javi Cueto. Tuvo ocasiones el conxuntu oviedista pero ensin aciertu. La primera foi de Jirka, que tres dos regates unviaba alto. Nun saque d'esquina botáu por Jimmy, el balón yera atayáu en llínea de gol dempués de tres remates na área, el postreru de Christian Fdez, que paraba Davo. Precisamente del defensa yera la siguiente clara, chutando en carrera un balón que detenía de nuevu la meta local.
Na segunda, Ziganda dió entrada a un once formáu por Femenías; Jorge Mier, Grippo, Costas, Mossa; Viti, Sangalli, Yayo, Borja Sánchez, Alex Cardero y Obeng. De botes del ariete llegaba'l gol, tres un par d'acercamientos con peligru oviedista. Un disparu cruciáu d'Alex Cardero, y un remate de cabeza de Obeng que se colaba fora. Arrincaba Mossa pela banda una xugada con pase a Borja, que chutaba a puerta, y al refugue remataba Obeng poniendo'l cero a unu. Caltúvose'l dominiu oviedista, con entrada de Berto Hórreo baxu palos, que nun tuvo trabayu hasta final del partíu.
Segunda victoria oviedista de la temporada, con descansu mañana por que l´equipu torna a los entrenamientos el llunes en doble sesión n'El Requexón.
