Rafa nun dexa de sonrir nin un momentu. Solo cuando'l sol fadia-y un pocu pa la semeya. Al entrar pela puerta de les instalaciones d'El Requexón date la mano y anda contigo, emocionáu y gayoleru, el vestuariu, el despachu’l entrenador y’l cuartu de les botes. Entruga quién son los que marquen los goles, porque a él gusten-y los delanteros. Recibe dos balones de manos de los nuestros capitanes. Unu con toles firmes, d'un valor sentimental grande. Otru pa poder xugar, porque-y presta enforma chutar. Mentanto'l so padre Óscar cuéntanos que mañana volverán ingresar nel HUCA, y si nun apaez un donante compatible, van tener que facer un tresplante de médula él mesmu o la madre de Rafa. Esplícanos lo fácil que ye convertise en donante, y el desconocimientu qu'esiste al respeutu. Esi ye'l so oxetivu, que tol mundu sepa que con cinco minutos del so tiempu n'unu de los autobuses de la Cruz Roja que anden de xemes en cuando per les ciudaes pues entrar al bancu mundial de donantes de médula y salvar vides, non solo la de Rafa, sinón la de munchos otros neños, mozos y persones qu'esperen que l'arrogancia d'otra en cualisquier llugar del mundu los enllene d'esperanza.
Nesti vídeu https://youtu.be/QlsTCSCHCPs de la Fundación Josep Carreras esplícase cómo pues ser donante y ayudar a Rafa y a muncha otra xente en tol mundu. ¡Dona médula, regala vida!
AST
