Esti mañán comparecía en rueda de prensa el centrucampista del Real Oviedo, Nico Fonseca, pa atender a los medios presentes na sala de prensa de la ciudá deportiva.
Sobre la situación anímica tres el golpiu del sábadu, l'italouruguayu señalaba, "tamos golpeaos pero bien. Demostramos nel campu que podemos facelo bien. Un mui bon partíu contra un rival d'una calidá inmensa. Un guapu partíu con munches opciones de la nuesa parte. Julián demostró la so calidá y fízonos pagar caro un partíu nel que merecíemos más".
Esti miércoles los d'Almada enfréntense al Rayo, un alcuentru que Fonseca define asina: "Tolos partíos enfrentámolos como finales, l'actitú y entrega ye máxima. Debemos insistir hasta que se den los resultaos, la suerte tien que acompañanos".
Pa finar y en clave personal el xugador destacaba, "cada día siento que toi meyor, venía de nun competir, d'una pretemporada en Méxicu, había que adaptase y toos ayudáronme. L'otru día sentíme cómudu y espero siguir faciéndolo de la meyor manera".