Les instalaciones de FUNDOMA acoyeron na mañana de güei’l II Tornéu de Fútbol Real Oviedo Unlimited, qu'axuntó a los equipos de LaLiga Genuine Santander del Real Oviedo, Athletic Club Fundazioa y CD Lugo.
Una mañana cargada de deporte, compañerismu, diversión y muncha deportividá, tantu dientro como fuera del terrén de xuegu. Un ambiente aparente para la práctica del fútbol, nel que'l Real Oviedo Genuine entamó venciendo por 3-1 al CD Lugo. Darréu, el conxuntu gallegu cayería por 1-0 énte'l Athletic Club Fundazioa. Finalmente, nel partíu cabeur d'esti triangular, el Real Oviedo empató énte los bilbainos.
Tres los alcuentros, fízose la entrega de diplomes, que cuntó cola presencia de los representantes de la Fundación Cajastur Liberbank y de la Fundación del Transporte Sanitario de Asturias, entidaes que, xuntu a Cocacola, collaboraron na puesta en marcha d'esta iniciativa. La xornada rematóse con un pinchéu pa tolos participantes.
