El Real Uviéu va xugar esti 17 de payares, a les 20:45 hores, el partíu correspondiente a la Xornada 14 de LaLiga 123 énte’l Real Sporting de Xixón nel Carlos Tartiere.
Pa esti partíu, los abonaos del Real Uviéu van tener accesu gratuitu como en cualquier partíu d’esta campaña (toles categoríes, incluyíos Palcos VIP), y van entrar al estadiu Carlos Tartiere col so abonu.
Amás, cada abonáu de la entidá va poder retirar UNA entrada d’acompañante a un preciu únicu de 40 € pa toles tribunes y categoríes, sacante’l Fondu Norte, zona pa la que nun van tar a la venta localidaes por motivos de seguranza. Ye menester presentar l’abonu de la que se saque la entrada d’acompañante, y cada abonáu va poder presentar un máximu de dos abonos, retirando dos entraes d’acompañante (una persona pue retirar como muncho dos entraes d’acompañante presentando dos abonos).
Amás, aquelles persones que merquen la entrada d’acompañante pal partíu énte’l Sporting de Xixón van poder retirar una invitación pal partíu del Reus, a partir del llunes 19 de payares y hasta’l sábadu 24 de payares na tienda del centru comercial MODOO, previa presentación de la entrada d’acompañante del derbi.
Les entraes d’acompañante van tar disponibles dende esti miércoles 7 de payares hasta completar aforu o hasta’l xueves 15 de payares. El vienres 16, les entraes van tener un preciu de 80 euros.
Puntos de venta d’entraes d’acompañante:
A partir del miércoles 7 de payares en taquilles del estadiu Carlos Tartiere, al llau de les puertes 4 y 34. Esta selmana van tar abiertes de miércoles a vienres de 10 a 19.00 hores.
Les entraes d’acompañante (40 €) van tar disponibles hasta completar aforu del estadiu, o hasta’l xueves 15 de payares. El vienres 16 de payares yá nun van poder retirase entraes d’acompañante. Les entraes, yá de públicu xeneral nel casu de qu’entá quede por completar aforu, pondríense a la venta a un preciu de 80 euros.
Pa esti partíu nun va tar disponible la venta de localidaes online.
Entraes d’afición visitante:
Van unviase al Real Sporting de Xixón 1.200 localidaes al preciu de 25 euros caúna. En taquilla nun se van vender localidaes pa esa tribuna por seguranza.
Abonu simpatizante:
Al nun ser día de club ye menester cambiar l’abonu simpatizante pola entrada pa esti partíu nel casu de que nun s’usare primero’l carné. Dende güei nun se van emitir abonos simpatizantes hasta’l llunes día 19.
Campaña d’abonaos:
La campaña d’abonaos sigue abierta nes oficines del estadiu Carlos Tartiere. La captación online d’abonaos queda zarrada dende güei, martes, hasta’l llunes 19 por motivos loxísticos.
La venta online d’entraes pal derbi nun va tar disponible.
Les taquilles van tar zarraes en día de partíu, polo que nun se van poder sacar localidaes en casu de qu’hubiere aforu disponible. Namás va tar habilitada una taquilla pa incidencies d’abonaos.
El Real Uviéu va persiguir la venta fraudulenta de localidaes pa esti alcuentru.
