El Real Uviéu llegó a un alcuerdu con un provisor líder del sector de la venta de localidaes online col que la entidá va poder facilitar esti serviciu a los nuestros siguidores de forma inmediata, y de cara a la temporada que vien.
Depués de meses nos que’l club se vio obligáu a realizar un trabayu d’actualización de sirvidores y software pa reciclase depués de trece años fuera de LaLiga, la entidá remató’l trabayu necesariu pa que la venta de localidaes online seya una realidá y tea a funcionamientu completu na temporada 2017-18.
El serviciu, agora en pruebes, ta disponible pa que los nuestros aficionaos puedan adquirir entraes per esta vía, gracies a un alcuerdu con ún de los provisores líderes del sector, entradas.com, que xestiona venta de localidaes de clubes como Real Madrid, FC Barcelona o Atlético de Madrid. De momentu namás pueden adquirise localidaes na Tribuna La Iría pal partíu d’esta fin de selmana énte’l Sevilla Atlético.
El procesu d’adquisición de localidaes ye percenciellu, y l’avezáu nestos casos, y va tar habilitáu hasta dos hores primero de qu’empiece’l partíu. El serviciu d’entradas.com va tener una comisión de xestión de 2 €. La intención del club ye que tea al cien por cien disponible n’otres zones del estadiu de cara a la campaña d’abonaos d’esti branu que vien (con venta d’abonos) y en venta d’entraes de los partíos de la temporada viniente.
D’esta manera, el club trata de dar respuesta a la demanda existente en munchos de los nuestros siguidores que queríen poder cuntar coles facilidaes que supón adquirir les entraes en tiempu y vía online.
Puedes adquirir les tos entraes na páxina habilitada por entradas.com pal Real Uviéu.
Pa cualquier incidencia na adquisición d’entraes online puedes contactar vía mail en ac@entradas.com.
