El Real Oviedo y Dani Calvo algamaron un alcuerdu pa la renovación del defensa, que prolonga la so vinculación cola entidá carbayona hasta'l 30 de xunu de 2027, con una temporada más opcional.
Capitán del Real Oviedo y unu de los referentes del vestiariu, Dani Calvo incorporóse a la disciplina oviedista nel branu de 2021, convirtiéndose dende la so llegada nun de los pilares fundamentales de la zaga azul gracies a la so esperiencia, lideralgu y regularidá.
Con 180 partíos oficiales defendiendo la elástica carbayona, el central foi una figura clave tanto dientro como fuera del terrén de xuegu, destacando pol so orde defensivu, la so solvencia na salida de balón, siendo unu de los futbolistes que devolvió a la entidá de la capital del Principáu a la Primer División.
El Real Oviedo asegura asina la continuidá d'unu de los sos líderes, pieza clave nel presente y futuru del equipu.