Tres l'anunciu de la renovación de Sergio Egea, que va siguir al mandu de la nave carbayona por una temporada más, la dirección deportiva avanza nel diseñu y configuración del equipu para la próxima campaña, determinando'l cuerpu técnicu y la fecha d'empiezu de la pretemporada.
El preparador arxentín volverá cuntar col gruesu del equipu de trabayu que lu acompañó nel tramu final de la pasada temporada, con José Luis Baroja como segundu entrenador y Sergio Segura como preparador de porteros. La preparación física va correr al cargu d'Alberto Martínez, qu'hasta'l momentu ocupaba esti puestu nel filial carbayón, y Michi Menéndez va ser l'encargáu de la readaptación de los homes de Sergio Egea.
D'esta manera, la primer plantiya va poner a les órdenes del arxentín el próximu 8 de xunetu n'El Requexón, onde se va llevar a cabu'l trabayu de puesta a puntu de cara a la temporada 2019/20.
Coles mesmes, el club trabaya na configuración de los distintos alcuentros preparatorios que se van apostar antes del empiezu de la competición oficial. Dichos partíos dirán comunicándose nos siguientes díes.
AST
