Esta mañana comparecía en rueda de prensa nes instalaciones deportives d'El Requexón el central del Real Oviedo, Eric Bailly. El xugador azul foi preguntáu pola situación del equipu tres la derrota de la selmana pasada ante l'Athletic y el próximu partíu en tierres vascues.
"Tamos decepcionados dempués del partíu ante l'Athletic viendo lo que fiximos, sobre manera na primer parte. Quedar con una derrota siempres duele y más col que fiximos pa sacar los tres puntos alantre".
Sobre l'estáu anímicu señalaba: "Fáltanos la victoria. Veo un equipu entregáu que da too pa sacar puntos, pero ye ciertu que nesta lliga nun te perdonen los errores. Lo único que agora pueo dicir ye que toca siguir y intentar sacar puntos porque podemos facelo".
Preguntáu pol siguiente alcuentru ante la Real Sociedad el central costamarfilanu afirmaba: "La afición siempres anima y merecen daqué más. Somos nós los que tenemos que camudalu y nun hai más que trabayar pa sacar esto alantre. Lo siguiente ye'l partíu de la Real Sociedad y lo que hai que facer ye sacar puntos. Na nuestra situación nun importa'l rival. Cada partíu ye una final y daremos too".