Mediu centenar d’aficionaos carbayones taben presentes en Landaberri (campu nuevu en vascu) ente los 400 espectadores que asistieron al estadiu de Zalla. Terrén de xuegu en mui bones condiciones y una tarde perprestosa. Al entamu del partíu anuncióse que l’Uviéu celebraba el so 80 aniversariu.
Alineación:
Zalla U.C: Juanes, Ispizua, Lambea (T.M. 1’), Iker Rodríguez, Arana, Saratxaga (Steven 75’), Alberto Pérez (T.M. 61’), Ibai Borda, Lambarri (Carrasco 67’), Eriz (Jon Izarra 60’), Viñas.
Entrenador: Aitor Villar (T.C. 69’).
Real Oviedo: Rafa González, Paul, Ricardo (T.M. 25’), Lusarreta, Sergio Labrado, Jandro, Jon Carrera (T.M. 47’) (Nacho Matador 55’), Michu (T.M. 29), Rubén (Yeray 66’), Nacho García, Cervero (Nacho Rodríguez 81’).
Entrenador: Toño Velázquez.
Árbitru: Sr. Becerril Gómez auxiliáu por García Castrillejo y Becerril Gómez del colexu castellanu-lleones.
Nacho García salva dos puntos nel últimu minutu
Partíu reñíu nel que los dos equipos pudieron llograr la victoria. Entamó fuerte’l Zalla, con dos xugaes de Eriz y Alberto Pérez que detuvo ensin problemes Rafa González. Presionó depués l’Uviéu, con un remate de Rubén al saque d’un córner que salió desviáu per poco. Al minutu siguiente l’equipu carbayón adelantóse nel marcador con un gol de Nacho García depués d’un saque d’esquina y facer una xugada individual pela parte izquierda del área.
Tuvo depués unos minutos de dominiu l’Uviéu, entrando principalmente pela banda drecha, hasta que nel minutu 29 Saratxaga empata’l partíu rematando en plancha un pase que taba yá casi dientru. A partir del gol, l’equipu llocal púnxose a presionar, y nuna de les aproximaciones, tiró un balón al palu al sacar una falta al borde del area.
La segunda parte entamó col Zalla intentando aguantar el resultáu, y dexando que l’Uviéu llevase’l xuegu. El partíu abrióse y los equipos llegaben más a les porteríes, anque con poques ocasiones reales de peligru. Nel minutu 24 de la segunda parte, l’entrenador del Zalla, Aitor Villar, foi espulsáu con tarxeta collorada direuta depués de protestar al arbitru porque Cervero saliera a recoyer un balón. Nos minutos siguientes, los equipos siguieron igual, hasta que nel minutu 89, Nacho García remata a gol una xugada enguedeyosa nel area vasca.
Añadiéronse cinco minutos al partíu, nos que el Zalla presionó y contó con dos ocasiones de gol que paró Rafa González ensin munchos problemes.
Héctor Magro
Fotos: Jonás Sánchez
RESULTADOS EN EL REQUEXÓN
- División de Honor Juvenil: Real Sporting 1 – Real Oviedo 1 (Alberto).
- Liga Nacional Juvenil: Real Oviedo 0 – S.D. Reocín 0.
- Primera Cadete: Real Oviedo 6 (José 4, Ernesto y Jandro) – C.D. Lealtad 1.
- Segunda Cadete: Berrón C.F. 2 – Real Oviedo 5 (Moi 2, Cucu, Dani y Nico).
- Segunda Infantil: Real Oviedo 4 (David 3 y Miki) – C.D. Mosconia 2.
- Primera Alevín: Real Sporting 2 – Real Oviedo 2 (Corrales y Arenas).
- Tercera Alevín: Real Oviedo 13 (Keki 4, Íñigo 2, Rodrigo 2, Luis, Ricardo, Juan, Emilio y Santi) – Peña Oviedista Berto 0.
- Tercera Benjamín: Peña Marigil C.F. 3 – Real Oviedo 7 (Diego Torres 3, Álvaro 2, Jorge González y Jorge Meré).
En Regional Preferente, el Pumarín recibe hoy al Cudillero en el Luis Oliver a las 12:00 horas.
