Volver a puntuar na casa. Con esa mentalidá afrontaba'l Real Oviedo la sexta xornada de LaLiga EA Sports. Los carbayones tornaben al Carlos Tartiere casi un mes dempués del trunfu llográu frente a la Real Sociedad y facíenlo cola clara intención de volver sumar nesti entamu lligueru. Aarón Escandell, Lucas, Bailly, David Carmo, Rahim, Hassan, Dendoncker, Alberto Reina, Ilyas, Santi Cazorla y Rondón. Asina foi l'once escoyíu por Veljko Paunovic frente al Fútbol Club Barcelona.
Dani Olmo, con un disparu de empeine que se foi per enriba del traveseru, tuvo la primer pa los de Hansi Flick. El Real Oviedo, conocedor de la importancia de puntuar na nueche del xueves, salió mui activu, tanto que consiguió meter al Barcelona na so área mientres los primeros minutos. Sicasí, Escandell tuvo que intervenir sobre la llinia de gol pa evitar el primeru de los visitantes. Rashford, el más activu de los culés, obligó a apaecer al valencianu tres una dura volea y, más tarde, con un golpeu de empeine. Tres dempués, Lucas centraba pa Rondón, que intentó batir a un Joan García que finó espulsando la pelota.
Pasada la media hora, el arquero azul volvió apaecer sobre la llinia pa evitar el tanto de los azulgrana. Raphinha, con un chut dende fuera del área, y Araujo, con un golpeu col interior, protagonizaron la doble ocasión del Barcelona. Poco dempués, les grades del Carlos Tartiere volveríen estallar. Joan García erraba na salida y Alberto Reina aprovechaba'l desaxuste del catalán pa, cola pierna derecha, armar un disparu dende tres cuartos de campu y desatar la lloucura nel municipal ovetense. 1-0. Golazu del de Chiclana de la Frontera y euforia total pa dir con ventaxa al túnel de vestiarios.
Tres la reanudación, los de Veljko Paunovic siguieron col mesmu plan de partíu. Pero, nel 55, el Barcelona empató l'alcuentru. Araujo centró pa Ferrán que, a media vuelta, intentó marcar pero Escandell, mui atentu, sacó la pelota. Sicasí, Eric García apaeció embaxo de la portería pa facer l'empat. 1-1. Seis dempués, Reina tuvo a puntu de marcar pero Joan García fíxose col balón. Más tarde entraron Sibo y Ilic pero'l gol llegó al área rival. Lewandowski, que acababa d'entrar en sustitución de Raphinha, sacó un cabezazu direutu a la escuadra. Imparable. 1-2. Brekalo y Álex Forés, nel 75, salieron en busca del empat. Dos dempués, Rondón tuvo cerca d'empatar pero Koundé evitó'l remate del delantiru venezolanu. Nel tramu final, el Barcelona fixo'l terceru y definitivu 1-3 y Colombatto entró por Dendoncker. Lucas, al final, pudo facer gol pero Joan García tapó-y embaxo. Agora, turnu pa pensar nel Valencia CF.
