El Real Oviedo algamó un alcuerdu col futbolista Jacobo González pa que se convierta en nuevu xugador del conxuntu azul hasta xunu de 2028.

Jacobo González, de 29 años, nació'l 25 de marzu de 1997 en Madrid. El nuevu futbolista del Real Oviedo formóse nes categoríes inferiores del Real Madrid hasta recalar na AD Alcorcón "B", que militaba por aquel entós na Tercera Federación.

Dempués de pasar pel CF Rayo Majadahonda y el CF Villanovense, l'atacante madrilanu firmó pol Real Club Celta de Vigo "B". Col cuadru gallegu llegó a debutar col primer equipu en Primera División saliendo de titular contra'l FC Barcelona'l 27 de xunu de 2020.

Dempués del so pasu por Vigo, y tres xugar nel CD Tenerife, l'estremu marchó al CE Sabadell FC onde realizó una gran campaña y anotó 13 goles. Tres el so bon añu, Jacobo González tornó a la categoría de plata y defendió los colores de dellos conxuntos como'l FC Andorra, la AD Alcorcón y el Córdoba CF. 

Nel conxuntu andaluz, onde xugó esta temporada, el madrilanu foi una pieza importante pal equipu d'Iván Ania y sumó más de 3.100 minutos. Amás, anotó nueve goles y repartió una asistencia.

Trayeutoria:

(2018/20) Real Club Celta de Vigo "B"

(2020/21) CD Tenerife

(2021/22) CE Sabadell

(2022/23) FC Andorra

(2023/24) Alcorcón

(2024/25) Córdoba CF

(2025/26) Córdoba CF

El xugador nun realizará declaraciones hasta'l momentu de la so presentación oficial.