El Real Oviedo llanza una iniciativa especial de cara al importante alcuentru d'esti xueves, a les 21:30 hores, frente al Villarreal CF, cola habilitación de la grada visitante pa los sos abonados, col oxetivu d'aumentar el sofitu nun momentu clave de la temporada.

Les entraes pa esta zona tendrán un preciu únicu de 20 euros y van tar disponibles a esti preciu exclusivamente pa abonados, que van poder asina ocupar un espaciu adicional del estadiu, que busca teñir d'azul cada rincón del campu y convertir l'alcuentru nuna auténtica caldera.

Los abonados habrán tar rexistraos y van poder adquirir un máximu de 2 hasta finar l'aforu d'esi sector.

Con esta iniciativa, el Club refuerza la so apuesta pola unión ente equipu y afición, consciente de que'l sofitu dende la grada va ser determinante nesti tramu decisivu de la temporada. Una midida que se suma a les recientes aiciones impulsaes pola entidá, como les invitaciones pa los poseedores del carnet oviedista retiraes la selmana pasada o la decisión escepcional de que tolos abonos sían válidos pa cualquier categoría.