El Real Oviedo enfrentóse esti martes al Real Zaragoza na xornada númberu 20 de LaLiga Hypermotion. Tres l'alcuentru énte la Granada CF, Javi Calleja quixo dar descansu a dellos de los sos futbolistes y allinió un once formáu por: Braat, Lucas, Oier Luengo, Dani Calvo, Rahim, Del Moral, Sibo, Sebas Moyano, Portillo, Paraschiv y Alemão. 

 

Una primer parte pa escaecer. Los locales mandaron dende l'entamu ya impunxeron el so ritmu ente que'l conxuntu azul nun llograba armar nenguna acción de peligru. Tres dellos aproximamientos maños, Adrián Liso punxo'l primeru nel 21' con un tiru dende fora de la área nel que Braat nun tuvo acertáu. 10 minutos más tarde, Adri Ares remató una bona xugada colectiva pa poner el segundu. Xarru d'agua frío pa los asturianos qu'intentaron retayar distancies nos últimos minutos de la primer parte con acciones a balón paráu anque ensin premiu. Descansu.

 

Tres la continuación, l'Oviedo salió con otra cara al partíu y Calleja introdució un triple cambéu dando entrada a Costas, Cardero y Chaira. Esti postreru sacó de la manga un disparu sensacional dende fora de la área pa retayar distancies y facer creer al uvieísmu. El xubidón paralizóse con un penalti en contra anque Braat quedó nel mediu y detúvolu. El cuadru carbayón yera dueñu y señor del alcuentru y nel 65' Alemão punxo les tables con un bon remate de cabeza a centru de Cardero. Hassan y Paulino salieron na recta final en busca de los trés puntos y finalmente el suañu de la remontada consiguióse.

 

Tres delles ocasiones desperdiciadas, nes que'l terceru pudo llegar antes, Chaira esperó hasta en minutu 92 pa con un golazu desamarrar la llocura y terminar de rematar una remontada épica que dexa a los carbayones sumar la tercer victoria consecutiva de la temporada.