El técnicu del Real Oviedo, Guillermo Almada, compareció ante los medios de comunicación tres la derrota frente al Real Betis nun alcuentru nel que, al so xuiciu, el resultáu quedó marcáu pola falta d'aciertu y los errores propios. “Nun fiximos un mal partíu. El resultáu quedó na contundencia del Betis y nos errores que cometimos, sobre manera na salida de balón. Sabíemos que si lo facíemos íbamos sufrir y asina foi”, esplicó el técnicu carbayón.

El míster azul tamién destacó dalgunos aspectos positivos del xuegu del so equipu, anque reconoció que hubo momentos nos que faltó intensidá. “Recuperamos munchos balones y tuvímola muncho tiempu, pero nalgún momentu sí nos faltó intensidá. Nun reparara en que fiximos cuatro faltes. Los goles fueron aiciones bien asemeyaes, cometimos errores nes tres”, señaló, lamentando amás la falta d'esixencia al porteru rival mientres l'alcuentru.

Unu de los puntos más destacaos de la so comparecencia foi l'aición polémica sobre Thiago dientro del área, que l'Oviedo reclamó como penalti. “Ye una xugada capital. El golpiu anímicu yera importante y pa min foi un penalti claro”, afirmó Almada, amosando la so disconformidá cola decisión arbitral.

A pesar de la derrota, el técnicu quixo llanzar un mensaxe de compromisu: “Tenemos que siguir peleando. Siempres intentamos lluchar y ganar. Habrá que siguir, anque quede una mínima posibilidá. Y si nun queda, habrá que tener vergüenza deportiva y siguir compitiendo”.