El Real Uviéu algamó la cifra de 19.000 abonaos a falta d’unos díes pa qu’acabe’l mes de setiembre, y depués de que’l vienres pasáu rematare’l plazu pa la renovación d’abonos calteniendo l’asientu.
Ayeri procedióse a la lliberación de los asientos que nun s’anovaron, pa que güei martes y mañana miércoles los abonaos puedan solicitar cambeos d’asientu. A lo llargo d’esos dos díes nun van poder realizase altes nueves, pero sí a partir del xueves 27, calteniéndose la campaña en marcha.
Recuérdase que tán escosaos los abonos de Tribuna Aramo y que tamién pues consiguir el to abonu online nesti ENLLAZ. Los trámites puen realizase nes oficines del Carlos Tartiere, de 10:00 a 14:00 hores, y de 16:30 a 19:00 hores.
Tola info de la campaña d’abonaos, equí.
