Hubo qu'esperar nueve xornaes. Y sufrir. Pero la primer victoria de la temporada llegó. Fízose en Tenerife, trés díes depués d'empatar énte'l Real Zaragoza. Con dellos cambeos nel once, y con un equipu que se baleró en trabayu pa defender la so resultancia a favor, obra de Bárcenas con asistencia d'un Omar Ramos que volvió rellumar na so casa.
Sangalli nel llateral derechu; Omar y Bárcenas nes bandes; Edu Cortina de regresu nel once al pie de Borja Sánchez. Revolución de Rozada afaciéndose al rival y dando refrescos. Y el guión cumplióse. Empezó bien el Real Oviedo con dalgún acercamientu anque ensin peligru claru. Y en el minutu 24 Yoel Bárcenas definía perfectu mano a mano énte Ortolá,tres un gran pase en llongura de Omar Ramos. Poco dempués y yá col 0-1 hubo plasmu, por un penalty en contra qu'el VAR anuló. Había fuera de xuegu previu. Y llegóse al descansu con ventaya.
Na segunda metá y a pesar de los refrescos, tres dalgún acercamientu oviedista el dominiu foi del Tenerife. Anque ensin faer dañu. El Real Oviedo punxo'l monu de trabayu y baleróse en defensa, con dalguna opción a la contra que nun s'atinó a materializar pa sentenciar el partíu.
El pagu foi la primer victoria de la temporada.
AST
