La tarde púnxose pronto de cara para un Real Oviedo que repitía once énte'l millar de oviedistas movíos al Sardineru. Los primeros minutos fueron azules. Llegaben con claridá y peligru los de Rozada. Avisó Borja Sánchez nuna bona acción individual. Y anotó Juanjo Nieto con un gran disparu na área, escorado a la derecha, cruciando'l tiru y marcando el cero a unu. Ortuño protagonizó la postrera clara de la primer metá, chutando na área dende la esquierda pero estrellando'l balón na rede. Apertó'l Racing nos últimos minutos antes del descansu, y Jordi Figueres roblaba l'empate a cinco minutos de terminar la primer metá.
Na segunda controló más el xuegu l'equipu local, especialmente a partir de la espulsión de Tejera, tres revisión de VAR. Entraron Lolo, Ibra y Mossa dende'l banquín y el delanteru senegalés tuvo la más clara nun control y xiru na área que terminó col so disparu nes manos del porteru. Moi vio la segunda mariella y los postreros compases del alcuentru fueron de máxima tensión, con un centru de Mossa que terminó con derribu de Ibra na área. Reclamábase penalty pero'l arbitru prefirió nun revisar y pitar el final del partíu.
Repartida de puntos y aplausu mutuu ente equipu y afición nel postreru partíu de 2019.
