El Real Oviedo y el Villarreal CF llegaron a un alcuerdu pa la cesión hasta final de temporada del centrucampista Thiago Fernández.
El mediocentru arxentín formóse como futbolista profesional nes categoríes inferiores del Club Atlético Vélez Sarsfield, entidá na que completó la so etapa de formación y dio'l saltu al primer equipu.
Thiago Cruz Fernández (Buenos Aires, 3 d'abril de 2004) debutó cola primer plantía de la V Azulada en 2023, consolidándose rápidamente como un xugador importante nel apartáu ofensivu. Nos sos 48 partíos col conxuntu arxentín, el centrucampista anotó 6 goles y repartió 9 asistencies, destacando pola so calidá, bon golpeu y capacidá pa llegar a zones decisives.
La so progresión y rendimientu llamaron l'atención del Villarreal CF, que incorporó al futbolista como axente llibre, pasando a formar parte de la dinámica del primer equipu baxo les órdenes de Marcelino García Toral.
L'última esperiencia de Thiago Fernández enantes de recalar, agora, nel Real Oviedo foi nel conxuntu groguet, onde continuó'l so procesu de medrar tres superar una grave lesión de rodía sufrida en avientu de 2024.
Col so llegáu al club azul, el mozu centrucampista arxentín aportará calidá, llegada y desequilibriu al centru del campu oviedista.
El xugador nun realizará declaraciones hasta'l momentu de la so presentación oficial.