Arturo Elías y la so familia tornaben cuatro años dempués al Carlos Tartiere, y l'estadiu uvieín vistióse de gala presentando una de los meyores entraes de la temporada, consciente de la importancia del partíu ente'l Leganés. Repitió esquema 4-4-2 Ziganda apostando pola dupla Obeng- Bastón en punta.
La primer metá foi de dominiu mayoritariamente uvieista, anque Femenías intervieno nun acercamientu del conxuntu pepinero. Una gran xugada individual de Borja Sánchez foi la más clara de la primera, y un remate de Obeng que se coló alto.
Na segunda por fin y con mayor emburrie, dende la grada y dende el terrén de xuegu, llegó'l gol. De Borja Bastón, golazu nun remate de cabeza que supunxo los tres puntos vitales pal equipu. Introdució cambeos Ziganda pa reforzar el centru del campu, y enfrescar l'once. Javi Mier, Sangalli, Joni Montiel, Jimmy y Mossa. Haka final, como una piña. Allegría y sofitu máximu del Tartiere que despidió al equipu al berru de ¡sí se puede!.
