El Real Oviedo presentó esti xueves de manera oficial a Josip Brekalo como nuevu xugador de la primer plantía. L'actu tuvo llugar nes instalaciones del hotel Silken Monumental Naranco, patrocinador del Club, y cuntó cola presencia del direutor deportivu del conxuntu ovetense, Roberto Suárez. Pela parte del Silken Monumental Naranco asistió'l direutor xeneral, Ángel Zubizarreta.
Duránte la so intervención, Brekalo espresó'l so entusiasmu por unise al proyectu y cómo tán siendo los sos primeros díes como futbolista carbayón: “Tán siendo mui bonos pa mí porque hai detrás un equipu y un staff que m’están ayudando a integrame tanto nel club como na ciudá. Siento-me mui a gustu equí n’Uviéu”.
L’internacional croata tamién confesó que’l so suañu siempre foi xugar n’España y na Lliga: “La primer toma de contautu foi col entrenador que falamos la mesma llingua y encantóme’l proyectu. Tóime mui feliz d’estar equí. Quero dar lo meyor pa ayudar”.
Por últimu, el direutor deportivu, Roberto Suárez, reconoció que “el club ta atentu a los últimos díes de mercáu y a les posibilidaes que puedan xurdir, cola firme intención de formar la meyor plantía posible”.
La incorporación de Josip Brekalo apurre calidá, compromisu y polivalencia al Real Oviedo, nun contestu cargáu d’ilusión tres el esperáu regresu a Primer División.