Na tarde d'ayeri, al traviés de les redes sociales del club, conocíense les camisetes adidas pa la temporada 18/19, que los uviedistes van poder adquirir nos díes vinientes nes tiendes oficiales de la entidá.
Los xugadores del primer equipo Saúl Berjón, Diegui Johannesson y Richard Boateng, xunto a los futbolistes del Real Uviéu Vetusta Edu Cortina, Steven Prieto y Jimmy, foron los protagonistes del llanzamientu de les equipaciones que la entidá carbayona va llucir a lo llargo d'esta campaña, tanto'l primer equipu como toles categoríes inferiores del club.
Les equipaciones adidas nueves pa la temporada 2018/19, nes que'l Real Uviéu lleva trabayando dellos meses, tán confeccionaes en tonalidaes azules y negru y arena, na so primer y segunda indumentaria.
La primer equipación, con rayes horizontales na parte delantera, mez tonalidaes azules, llevando les bandes adidas en color blanco enriba los costazos. Pela so parte, la segunda indumentaria, que mez el color negro
colo gris, presenta un diseñu xeométricu qu'añede detalles en tonalidá arena. Como novedá, anguaño les camisetes oficiales de la temporada lleven un holograma de seguranza antipiratéu na parte frontal fondera.
Les equipaciones van tar a la venta d'equí a poco nes nuestres tiendes oficiales.
AST
