Cambeos de sistema y de nomes nel once pol qu'apostó Egea nel Fernando Torres nun partíu nel que'l Real Oviedo quedaba con 10 por colorada directa a Tejera y encaxaba el gol de la derrota n'apenes 3 minutos nel borde del 90.
Allinió'l técnicu oviedista a Arribas nel centru de la defensa, a Jimmy con Tejera sacrificando'l trivote para asitiar a Omar en banda derecha y Sangalli por detrás de Ortuño. Con un intensu calor y cientos de oviedistas
nes graes, empezó'l Fuenlabrada demostrando poderíu col balón. La primer ocasión clara de los oviedistas llegó en botes de Tejera, que recorto nel área y trató de cruciar el disparu pero s'atopó col porteru local. Ortuño
remató de cabeza, forzáu na marca, al llateral de la rede y el conxuntu madrileñu marcaba a la media hora de partíu. Col Fuenlabrada per delantre, hubo pausa para la hidratación y el VAR entró n'acción. Un remate de Ortuño de cabeza entraba llimpiu al fondu de la rede, pero'l gol anuláu en primer instancia per fora de xuegu xubió finalmente al marcador gracies al video arbitraxe. Empate pa llegar al descansu.
Nel entamu de la segunda, Alfonso sacaba una gran mano pa estenar el remate en llanzamientu de falta. Bárcenas daba otru aire n'ataque, dende la banda derecha, pero ensin llograr acercamientos con peligru. Del panameño foi la más clara, nun mano a mano énte la meta local, que terminó en córner. Espulsáu Tejera por colorada directa, los últimos minutos antoxábense claves pa caltener l'empate, pero'l Fuenla aprovechó la so ocasión pa sentenciar col dos a unu definitivu, nel cantu del 90.
L'equipu tornó de vacíu a Uviéu, y dende el llunes va empezar a preparar la próxima visita al CD Mirandés.
AST
