Últimu partíu en casa de la temporada pa los de Ziganda, colos trés puntos pa cerrar la permanencia nel horizonte. El Carlos Tartiere despidía l'añu con un alcuentru perimportante para los intereses azules, qu'acabó cola resultancia de 1-0, con un gol de Samuel Obeng.
Salieron los de Ziganda en busca del primer tantu nel marcador, que llegó a los pocos minutos del pitíu inicial, cuando Obeng aprovechó un bon balón de Grippo pa picar percima del porteru visitante. El Racing tuvo'l retruque na siguiente xugada, con un tanto de Nico Hidalgo qu'el VAR anularía por mano. Tres esto'l Racing fízose cola pelota, demostrando los de Ziganda la so bona solidez defensiva, al nun conceder ocasiones clares a los cántabros.
Na segunda metá, el guion foi'l mesmu, con un Real Oviedo que nun-y dexó ocasiones clares al conxuntu de Oltra. Ibra, tres centru de Mossa, tuvo la más clara d'esti actu, pero'l balón escapóse-y por centímetros. Nos intres finales el Real Oviedo volvió a quita-y el balón al Racing de Santander, disponiendo de delles contras pa sentenciar el partíu.
La unión, el compromisu y el trabayu llevaron al Real Oviedo a sellar la permanencia y siguir una nueva campaña en LaLiga.
