Esta tarde'l Real Oviedo midióse nel Carlos Tartiere a un equipu qu'encadenaba una bona racha de resultancies antes de visitar el feudu carbayón. El conxuntu d'Álvaro Cervera formaba d'entamu con: Braat, Costas, Dani Calvo, Lucas, Abel Bretones, Jimmy, Luismi, Hugo Rama, Marcelo, Borja y Sergi Enrich.
La intensidá nun s'axusta, una máxima del entrenador azul, que s'afiguraba mientres los primeres 45 minutos nel terrén de xuegu. Y con esi argumentu, nel 21’ de la primer parte gran xugada per banda esquierda que remata na contraria Lucas con un disparu potente pegáu a la cepa del poste qu'Herrero estenaba a córner. Botaba Hugo Rama'l saque d'esquina, remataba David Costas y Borja Bastón esviaba al fondu de la rede pa xubir el 1-0 al lluminosu del Carlos Tartiere.
El plan colaba de la meyor manera posible y con esos mímbres condució'l choque al descansu. Nun camudaba'l guion tres la salida del túnel de vestuarios y con un Real Oviedo perfeutamente asitiáu pudo dictar sentencia, de nuevu, Borja Bastón: primero nel 75' con un remate de cabeza a espetaperru y nel 78' nun mano a mano tres pase de Obeng que l'ariete
azul trató de picar y llevar la tranquilidá a una grada que tres el pitíu final desamarraba tola emoción contenida.
Una resultancia final, curtiu pa lo socedío na capital del Principáu, pero que da los tres puntos de manera merecida a un Real Uviéu que va volver al trabayu'l llunes n'El Requexón.
