El Real Uviéu despidió la temporada 2017/18 con númberos no económico y social d’auténticu récord históricu pa la entidá.
Na estaya económica, la última ampliación de capital empezada’l 8 de marzu del 2018 y que yá acabó cola soscripción de 50.063 acciones, supunxo pa la sociedá una entrada de fondos propios (en capital y prima d’emisión) de 1.501.905,30 €. D’esta manera, el capital social de la entidá queda afitáu en 18.083.349,00 €, el montante más altu de la nuestra historia. Los ingresos totales, nes dos ampliaciones de capital executaes ente payares del 2017 y mayu del 2018, supunxeron pal club una entrada de fondos propios de 4,7 millones d’euros gracies a la entrada d’inversores nuevos de la mano del Grupo Carso.
No qu’a masa social respecta, el club tamién despide la campaña 2017/18 nel so meyor momentu, y con una cifra récord: 20.796 abonaos. Con un total de 4.181 altes nueves, supón la cantidá d’abonaos más alta de la nuestra historia.
¡Gracies a toos, uviedistes! Por siguir llogrando que seyamos inquebrantables.
AST
