"Remontando al cielu, como un gol nel descuentu. A onde nos lleve la vida. Onde seya, como seya y cuando seya, pero lo más lloñe al to llau". Ye’l lema de la nuestra campaña d’abonaos, "un sentimientu únicu na vida" que vuelve con más fuercia que nunca, poniendo en marcha les renovaciones y altes nueves dende mañana, ensin xubíes nos precios de los nuestros abonos y cola novedá del carné más baratu de la categoría, un total de 557 places, a namás 69 € (preciu únicu pa toles categoríes), nun sector de la Tribuna Aramo, dixebrada de la zona d’afición visitante.
Esti mediudía foi la presentación de la campaña d’abonaos 2018-2019, qu’empieza mañana, martes 17 de xunetu. Ensin xubíes nos precios, y calteniendo les categoríes y zones en comparanza cola temporada pasada, tamién se va facilitar un añu más a los nuestros abonaos la posibilidá d’adquirir el carné online. Eses altes nueves y renovaciones online van arrincar, igual que la campaña física, dende mañana, a les 10:00 hores, momentu nel que va tar disponible l’enllaz en realoviedo.es y nos nuestros perfiles oficiales nes redes sociales. Tamién se caltién la posibilidá de financiamientu en 3, 6 o 9 plazos.
Tocante a los precios, amás de la novedá del abonu de Tribuna Aramo por 69 €, caltiénse’l marxe pal Fondu Norte, onde los abonos tán ente los 99 y los 199 euros. Los precios de los abonos de la zona correspondiente a la U televisiva del estadiu siguen siendo inferiores a los precios de los abonos de la Tribuna Presidencial, calteniéndose en dambos casos al respective de la temporada pasada.
Los precios, estremaos por zones y categoríes, esplíquense nesti gráficu:
Dientro del preciu del abonu sigue incluyéndose l’accesu gratis pa los partíos de categoríes inferiores de la temporada, nun siendo los partíos del Real Uviéu Vetusta. Pa los alcuentros del filial, que va militar en Segunda División B esta temporada, va existir el “Abonu El Requexón", que va incluyir namás los partíos que xuegue’l Vetusta como local y va tener un preciu únicu de 100 € pa toles categoríes.
Recuérdase que nun existe derechu a asientu pal carné de neñu pequeñu; caltiénense les categoríes de persones con discapacidá y xubilaos, amás de les condiciones pa tener el carné de paráu. Va siguir existiendo’l “Abonu Simpatizante”, por 30 € con una entrada incluyida pa dir a un partíu de LaLiga123 (sacante día de club).
El preciu de les localidaes en taquilla na temporada 2018-2019 va ser d’ente 15 y 25 € (sub-18 y públicu xeneral respectivamente).
La campaña d’abonaos del Real Uviéu va ponese en marcha dende mañana martes, a les 10:00 hores, na planta baxa del Centru Comercial MODOO, al pie de la tienda oficial del Real Uviéu. Nes oficines del estadiu Carlos Tartiere namás van realizase emisiones d’abonos de la zona “Fondu Norte” (renovaciones pa esta zona hasta’l 3 d’agostu).
Va poder facese la emisión del abonu online tamién dende mañana martes a les 10:00 hores. La documentación necesario pa llevar a cabu’l trámite ha unviase al corréu electrónicu online@realoviedo.es. L’abonu ha unviase per corréu a la dirección indicada. La comisión de cada compra d’abonu ye de 2 €.
El financiamientu de los abonos sigue realizándose, igual que la temporada pasada, al traviés de Caixa Bank. El financiamientu, a partir de 150 €, va poder realizase a 3, 6 y 9 plazos. Financiamientu non disponible p’abonos del Fondu Norte. La documentación necesario pa financiar l’abonu ensin intereses ye esto:
- Veceros “Caixa Bank” (financiables hasta 10.000 €): fotocopia DNI o NIE + NumberacioÌn de tarxeta o llibreta “Caixa Bank”
- Abonaos en xeneral (financiables hasta 700 €): fotocopia DNI + recibu domiciliáu de cualquier entidá.
Los financiamientos realizaos l’añu pasáu nun van precisar facer el mesmu trámite de la temporada anterior, con más axilidá del procesu de financiamientu.
Nel momentu d’anovar l’abonu va poder realizase un cambéu de zona a los asientos que s’atopen disponibles. Por motivos loxísticos la lliberación de los asientos, y polo tanto los cambeos d’asientu, nun van poder realizase hasta’l llunes 25 de setiembre. Los asientos qu’agora mesmo s’atopen ocupaos polos abonaos van caltenese hasta’l xueves 20 de setiembre.
Los recibos anuales domiciliaos van pasar en cargu a cuenta como ye vezu. Aquellos abonaos que quieran cancelar la domiciliación, tienen que lo comunicar nel númberu de teléfonu 985215300 o al traviés del corréu electrónicu inforealoviedo.es
Pa más información y retirada d’abonos, puntos d’atención al abonáu en planta baxa de Centru Comercial MODOO de 10:00 a 22:00 hores de llunes a sábadu.
Tolos detalles nel dossier de la nuestra campaña
PREGUNTES HABITUALES Y CONDICIONES
¿Ónde puedo faceme abonáu del Real Uviéu?
Puedes retirar el to carné nel nuesu puntu d’atención al abonáu, nel Centru Comercial MODOO, qu’abre ininterrumpidamente dende les 10:00 hasta les 22:00 hores, de llunes a sábadu. Nel casu de los abonos “Fondu Norte” namás va poder llevase a cabu nes oficines del Real Uviéu, nel estadiu Carlos Tartiere, n’horariu de 10:00 a 14:00 y de 16:30 a 19:00 hores.
¿Qué documentación preciso pa faceme sociu?
DNI orixinal o copia del titular nuevu ensin falta de que vaiga’l titular del mesmu.
En casu de ser menor d’edá y nun disponer de DNI nin pasaporte, ye menester presentar el Llibru de Familia.
P’aquelles persones que vaigan retirar l’abonu de “Xubilaos” precísase ser mayor de 65 años y presentar cualquier documentu qu’acreíte la so condición de pensionista. Nel casu de “Persones con discapacidá” hai que presentar DNI orixinal y certificáu col grau de minusvalía, que tien que ser de más del 65 %.
Pa la categoría “Desempleáu" ye menester acreitar situación: mínimu dos años en situación de desempléu, inscritos nel INEM (ye menester presentar la tarxeta del Paru o un certificáu del INEM qu’acreíte’l tiempu que lleven en situación de desempléu).
¿Puedo fraccionar el pagu del mio abonu?
Sí, pa pagos de 150€ n’adelantre. En trés, seis o nueve meses.
¿Tengo que ser veceru de Caixa Bank pa financiar el mio abonu?
Nun ye menester.
¿Qué documentación tengo que presentar pa financiar el mio abonu?
Depende del importe total de los abonos a financiar y de si realizó’l trámite de financiamientu la temporada pasada, y nesi casu va ser más áxil.
Si yes veceru de Caixa Bank, puedes financiar hasta 10.000 € (necesario presentar fotocopia DNI o NIE + NumberacioÌn de tarxeta o llibreta “Caixa Bank”)
Si nun yes veceru de Caixa Bank y quies financiar percima de 600 €: fotocopia DNI o NIE + última nómina, renta o carta pensión Seguridá Social + recibu domiciliáu de cualquier entidá.
Si nun yes veceru de Caixa Bank y quies financiar hasta 600 €: fotocopia DNI + recibu domiciliáu de cualquier entidá.
¿Puedo retirar el mio abonu online?
Sí, tanto n’altes nueves como renovaciones (habrá incluyise la documentación riquío nes categoríes qu’asina lo indiquen necesario).
¿Únviense los abonos a casa?
Sí, únviense los abonos a toes aquelles persones que nun seyan residentes n’Asturies y ensin costu nengún pal abonáu.
¿Caltiénense los descuentos pa los accionistes?
Sí, los descuentos pa les persones que soscribieron 90 acciones o más (adquiríes na ampliación de capital del 2012 según promoción emitida nesi añu) en propiedá siguen vixentes.
¿Cuáles son les condiciones p’acoyese a caúna de les categoríes?
- Paraos: acreitar situación. Mínimu 2 años d’antigüedá de desempléu inscritos nel INEM.
- Xubilaos: acreitar situación. Pensionistes mayores de 65 años.
- Sub25: Nacíos depués del 01/07/1993
- Neños: Nacíos depués del 01/07/2004
- Neñu pequeñu: Nacíos depués del 01/07/2014
- Persones con discapacidá: Acreitar situación. Mínimu 65 % de minusvalía
