Arrincaba'l choque d'esta tarde énte la UD Las Palmas nel Carlos Tartiere correspondiente a la xornada 19 con un minutu de silenciu polos recién fallecimientos de D. José Menéndez Conde, Don Benitu Meana, Doña Casimira Fernández y Don José Russel y con un once nel Real Oviedo formáu por Braat, Costas, Borja, Marcelo, Dani Calvo, Jimmy, Hugo Rama, Sergi Enrich, Lucas, Abel Bretones y Mangel.
Presumía los díes previos Álvaro Cervera que l'alcuentru para los suyos pasaría por distintes fases no qu'a la presión referíase, alta unas vegaes y en bloque más baxu n'otres. Y nun se equivocó´l técnicu azul, sicasí, lo que nun paecía tan previsible fueron los pocos apuros que pasaron el carbayones nesa primer metá, más si cabe cuando'l líder de la categoría visita la to casa.
Con pocos acercamientos llegaba l'alcuentru al descansu y cola más clara del partíu arrincaría. Balón a mediu altor dende banda derecha que Borja Bastón de manera acrobática mandaba al travesal nel 54'.
Los azules apertaron mientres tola segunda metá en busca de la victoria, aguiyonaos pol públicu primeru, poles ocasiones en pies de Sergi Enrich y Jimmy dempués, y pola espulsión de Loiodice na recta final del alcuentru.
A la fin los tres puntos nun llegaron y el Real Oviedo tiense que conformar con un empate que nun fixo xusticia a ver sobre'l verde del feudu carbayón.
