El Real Uviéu rubricó ayeri’l gran papel demostráu polos dos equipos, Xuvenil y Infantil de la entidá, que dende’l 23 de marzu pasáu participaron nel tornéu de fútbol internacional más antiguu y prestixosu d’Estaos Uníos, la Dr. Pepper Dallas Cup.
L’equipu xuvenil cayó elimináu na fase de clasificación tres d’una victoria y dos derrotes énte CF Monterrey Rayados, EC Vitoria y Atlanta United, pero’l conxuntu Infantil llegó hasta la final depués de clasificase en semis na tanda de penaltis. Ayeri nueche n’España llegaba’l gran momentu pa los nuestros xugadores mozos. Midíense a Tigres nun gran escenariu. Y el partíu empezó bien, adelantándose’l Real Uviéu nos primeros compases del partíu, nun gol obra de Pedro. Pero finalmente Tigres empató, y remontó, dexando al Real Uviéu col premiu del subcampeonatu depués d’una imaxe fantástica ufiertada polos nuestros canteranos.
Dambos equipos vuelven agora a España pa siguir col tramu final de la lliga regular, depués d’una gran esperiencia nel primer tornéu internacional de fútbol base onde participa la entidá.
AST
