A falta de tres xornaes pa finar la lliga regular, con opciones p'algamar los puestos de play off, el Real Oviedo Vetusta fue quién a formar parte de la hestoria del nuesu club. El conxuntu azul conviértese nel meyor filial de la hestoria de la entidá.
Colos tres puntos sumaos ente'l conxuntu vizcaín, los oviedistas superen a la plantiya del Real Oviedo Vetusta de la campaña 90/91, qu'algamó los 53 puntos na categoría, polos 54 qu'atesora'l filial na presente temporada.
Los azules tán cuayando un gran añu, dempués de xubir la pasada campaña a la categoría de bronce del fútbol español, y van siguir engarrándose por algamar una de les places de play off d'ascensu. El Real Oviedo Vetusta ye quintu na clasificación, con 54 puntos, cuatro namás del Barakaldo, que cierra los puestos de privilexu na tabla. Los de Javi Rozada van visitar esta fin de selmana a'l Izarra, pa dempués midise al Racing de Santander y el Durango.
AST
