El Real Uviéu llegó a un alcuerdu pa facese colos servicios del delanteru Ibrahima Baldé, que se compromete cola entidá pa dos temporaes, con opción a otra en función d'oxetivos.
Ibrahima Baldé, de 29 años d'edá, nació'l 4 d'abril de 1989 en Dakar, Senegal. Formáu nel fútbol arxentín, onde defendió la camiseta d'Argentinos y Vélez, el delanteru empezó l'andadura nel fútbol européu nel Atlético de Madrid, col que llegó a debutar en Primer División disputando 18 partíos na categoría máxima del fútbol español. Posteriormente, l'ariete xugó nel Numancia, Osasuna, Kuban Krasnodar, Reims y Cluj, equipu del que llega procedente.
Ibrahima Baldé ye un delanteru trabayador que destaca pola so potencia en carrera, el so bon xuegu aereu y por ser un atacante de referencia.
El delanteru va ponese a les órdenes de Juan Antonio Anquela dende mañana sábadu, desque supere'l reconocimientu médicu na Clínica Asturias estatarde.
Trayectoria:
(2007/08) Argentinos U20
(2008/09) Vélez
(2008/10) Atlético de Madrid
(2010/11) CD Numancia
(2011/12) CA Osasuna
(2012/16) Kuban Krasnodar
(2016/17) Reims
(2017/18) CFR Cluj
La presentación oficial d'Ibrahima Baldé como xugador nuevu del Real Uviéu va facese'l llunes que vien.
AST
