Los xugadores de la primer plantiya del Real Uviéu nun entrenen namás enriba’l verde d’El Requexón.
La rutina de los futbolistes del primer equipu uviedista a lo llargo de toa esta temporada empieza cada mañana con almuerzu diseñáu pol nutriólogu y
servicios médicos del club. De siguío, un pasu pel ximnasiu de les instalaciones d’El Requexón pa completar el plan específicu de trabayu diseñáu
especialmente pa caún de los xugadores de la primer plantiya. Depués ye’l momentu, tres d’una charla técnica o de videu, de salir a trabayar enriba’l
verde d’El Requexón. Pero, amás, munchos de los nuestros xugadores entrenen tamién peles tardes.
Son los casos, ente otros, de Carlitos y Juan Carlos. Dambos xugadores complementen el trabayu mañaneru con entrenamientos p’algamar el so plan
específicu nes instalaciones de GOfit Uviéu. Fáenlo acompañaos del readaptador del equipu, Ignacio Gonzalo. Güei amuésennos la so rutina, en Real
Uviéu TV.
