L'entrenador del Real Oviedo, Guillermo Almada, compareció esta mañana en rueda de prensa na ciudá deportiva d'El Requexón pa analizar la situación del equipu enantes del próximu compromisu lliguero.
El técnicu esplicó que la plantiya yá se recuperó del esfuerciu realizáu nel caberu alcuentru y afronta'l siguiente partíu con ambición. “L'otru día l'esfuerciu foi grande, pero l'equipu yá ta recuperáu y con ganes de buscar esa victoria que mos dé l'impulsu que necesitamos”, señaló.
Sobre'l próximu alcuentru, Almada avisó de la dificultá del partíu. “Va ser un partíu durísimu, con xugadores de muncha xerarquía en toles llinies. Si queremos llograr el trunfu, que ye lo único que mos pue dexar conformes, tendremos que facer un partíu cercanu a la perfeición”, afirmó.
Un rival, el Valencia, que vien en bona dinámica de resultaos. Pa l'uruaguayu los Che esixirán al máximu a los azules. "Nosotros tenemos que intentar xugar meyor que ellos, eso ábrete un abanicu de posibilidaes de poder ganar. Nun vendrán relaxaos, vendrán a muerte y depende de nosotros lo que podamos facer el día de mañana".
Por último, a entrugues de los periodistes analizó les posibilidaes del equipu d'equí a la fin de temporada. “Hemos tenido una evolución y en dellos partíos merecimos ganar. Debemos siguir meyorando y algamar el máximu nivel de toos pa poder llograr les victories que mos ayuden a llograr l'oxetivu”, concluyó.
Rueda de prensa íntegra nel nuesu canal de Youtube