La temporada 2016-17 del Real Uviéu llegó güei a la fin tres d’una victoria (0-2) ante l’Elche CF nel Martínez Valero que, colos demás resultaos de rivales directos, dexó al conxuntu uviedista octavu, a trés puntos d’algamar el pase pa xugar el play off d’ascensu.
La primer metá, nun Martínez Valero fríu y desanxeláu depués del descensu del Elche, acabó contaxando al Real Uviéu del ambiente enrarecío. Susaeta de tiru de falta directa, Toché con un remate que marchó esviáu y Linares con parada de Germán foron los protagonistes de les primeres ocasiones. Costas, Saúl y Johannesson tamién tuvieron les sos ocasiones, pero l’equipu coló pal descansu ensin goles.
Na segunda, Toché daba ales per unos minutos a la esperanza, con marcadores favorables pal Real Uviéu anque ensin llegar a tar matemáticamente entá clasificáu. Anotó de cabeza nun bon centru de Susaeta, y Nando firmó’l cero a dos definitivu.
D’esta manera, y con aficionaos uviedistes nes grades del Martínez Valero, el Real Uviéu dixo adiós a la temporada, n’octava posición.
