Nel mes de payares pasáu, el Real Uviéu y ALSA, empresa asturiana cola que la entidá azul tien un alcuerdu de collaboración nos últimos años, llanzaben una campaña pa que los uviedistes participaren na escoyeta d’un diseñu nuevu pa la cubierta del autobús oficial de la entidá, y que se va ver rematada esta fin de selmana, coincidiendo cola conmemoración del 91.u aniversariu del conxuntu carbayón.
Nesti casu, y ante la infinidá de propuestes presentaes pa engalanar l’autobús oficial del Real Uviéu, el conxuntu decidió axuntar les opciones espuestes pa crear un diseñu que trate d’englobar eses propuestes.
D’esta manera, dende esta fin de selmana y hasta qu’acabe la temporada, el conxuntu uviedín va movese pel territoriu nacional nel ALSA Premium personalizáu colos sos colores. Un vehículu oficial que xunta esclusividá y confort, dexando disfrutar a los integrantes de la primer plantiya y el cuerpu técnicu d’unos servicios d’escelencia pa garantizar la so satisfacción máxima. Nos sos desplazamientos, la espedición dispón d’unos asientos diseñaos pal so confort, de piel, con oreyeres pa meyor descansu, bandexa, posavasos, enchufes en toles butaques, USB, pantalla individual con películes, canales de televisión, xuegos, series y conexón a Internet dende elles, y, por supuestu, Wifi pa poder conectase de manera individual.
La entidá agradez a ALSA el so trabayu y collaboración pa que’l Real Uviéu pueda realizar los sos desplazamientos a lo llargo de la temporada disfrutando del confort, la esclusividá de los servicios de la empresa asturiana y lluciendo la meyor imaxe posible esta temporada.
El Real Uviéu tamién agradez les idees apurríes polos aficionaos que collaboraron nel diseñu definitivu: Pablo Durán, Javier Martín, María Martín, Luis Álvarez, Francisco García, Ángel González, José Luis Miyar, Óscar Vallina, Misael Fernández, Óscar Heres, María José Félix, Pedro de la Cueva, Asier Díaz, Angel Luis Fernández, Lorenzo Gutiérrez, Hugo Álvarez, Jesús Cienfuegos, Juanjo Castro, Eduardo Crespo, Julio Oliver, Agustín Santiago, José Manuel Fernández, Adolfo González, Miguel Ángel Sánchez, Iván Toimil, Isidro Gutiérrez, Xurde García, Javier Ángel Valle, Miguel Navajas, Alfredo Rodríguez, Gabriel Covarrubias, Patricia Martínez, Peña Azul Teatinos, Regina Carrillo, Javier Ángel Valle, José Manuel Prieto, Efrén Castaño, Nino Becares, Belén Sacristán, Sonia Álvarez, José Antonio Buylla, Begoña Gutiérrez, Jaime Sanchez, Sara del Fueyo, Jose Manuel Diaz, “Peña Valor Azul”, Laura Pérez, José Antonio Palacio, José Antonio Fernández y César Avello.
