Dispidía´l Real Oviedo la temporada nel Heliodoro Rodríguez López, y apostó Ziganda por un once con varios cambeos con respeutu al postreru encuentro nel NMR Carlos Tartiere, tamién condicionáu en dalgunes llíneas poles baxes. Quería ´l conxuntu uvieista dispidise de la temporada con una victoria, y el VAR quitó-y los tres puntos tras ponese por delantre nelmarcador.
Entamó bien el partiu pal conxuntu uvieista. Yera ´l minutu siete cuando Borja Sánchez anotaba ´l cero a uno, con un bon golpeu dende la frontal, asistíu por Sangalli. A partir d´entos les llegaes foron más pa los llocales, qu ´anotaron en gol de Fran Sol anuláu por fora de xuego, estrellaron un balón nel poste izquierdo, y obligaron a Femenías a realizar una gran interveción pa evitar l´empate. La más clara de los de Ziganda, amás de un duru disparu desde lloñe de Borja Valle, túvolu Blanco Leschuk metiendo la cabeza nun bon centru dende la drecha que coló cruzáu.
Tres el paso por vestuarios, un penalty decretáu pol VAR daba-y la oportunidad d´igualar el marcador a Fran Sol, que nun fallaba dende los once metros. Respuendía ´l conxuntu uvieista con un tremendu disparu cola izquierda de Jimmy, que despexab´l meta llocal en la escuadra. Tamién la tuvo Blanco Leschuk, nun remate tres un balón colgáu dende la izquierda, que atayó´l porteru. Otra vegada na qu´el árbitru foi llamáu pol VAR, por una xugada nel área uvieista que finó de nuevo en penalty, que metió por Suso Santana. Yera, en el añadíu, y tres varios averamientos uvieistas ensin atopar puerta, finalmente Blanco Leschuk quien anotaba ´l gol del empate, que sería ´l 2-2 definitivu. Debutaron Alex Cardero y Sandoval nos compases finales del partíu.
Finalmente despídese ´l conxuntu uvieista de la temporada con 52 puntos, a la espera de que se dispute´l resto de la xornada pa conocer la so posición final na clasificación.
