Llegaba una nueva cita de pretemporada na LXX edición del Troféu Emma Cuervo, ente'l CD Lugo en Ribadeo.
Formó Ziganda con un once con Joan Femenías; Lucas, Grippo, Costas, Cornud; Sangalli, Javi Mier, Jimmy; Viti, Borja Sánchez y Obeng. Dende l'empiezu'l dominiu y les ocasiones fueron oviedistas. La más clara a los siete minutos túvola Grippo nun terrible llanzamientu directu de falta, que la meta gallegu unvió a córner nuna gran intervención. Sangalli protagonizó una bona xugada, con autopase incluyíu, que crució demasiao y colóse fora. Siguía l'asediu oviedista, ensin acercamientos a la meta de Femenías, y llegaba el gol. Gran pase ente llínees de Jimmy y disparu cruciáu de Javi Mier pa marcar el 0-1. Corría'l minutu 35. Cinco minutos más tarde nun pelotazu en llargu anotaba Antonetti l'empate pal Lugo.
Na continuación tres el descansu, Jirka ocupó'l llugar de Obeng, que se quedó nel banquín. Debutó tamién Matheus y entró Alex Cardero, con acercamientos oviedistas que siguíen ensin aciertu. Túvola Borja Sánchez chutando na área un balón sueltu qu'atayó la zaga. Entró Mossa y más tarde Christian, el Lugo dió refrescu prácticamente a tol so once, y entá tuvo'l Real Oviedo les dos más clares. Una volea preciosa d'Alex Cardero qu'estenó la meta a local, y un remate de cabeza de Jirka a centro de Mossa que se coló fora por bien poco.
Nos penaltis, n'unviando fuera Alex Cardero, el CD Lugo alzóse col LXX Troféu Emma Cuervo. L'equipu torna a los entrenamientos el llunes a les 18:00h n'El Requexón.
