Les instalaciones d’El Requexón foron esta tarde escenariu d’un actu de zarru de temporada pa les categoríes inferiores del Real Uviéu.
Los nuestros canteranos pequeños que conformen los equipos cadetes, infantiles, alevinos, benxaminos, pre-benxaminos y iniciación gozaron d’una tarde d’actividaes especiales pa estos uviedistes mozos. Dende actividaes con pelota y xuegos prestosos nel campu, hasta un pasu pelos hinchables emprestaos pol nuestru patrocinador Coca-Cola.
Amás, la tarde cuntó cola visita de dellos de los xugadores del primer equipu: Saúl Berjón, Miguel Linares, David Fernández, Héctor Nespral y Alfonso averáronse a compartir unos minutos colos nuestros canteranos.
Los ganadores de les pruebes llevaron regalos Adidas, Tartiere Auto, Ovida, Coca-Cola, Reheberger López-Fanjul y McDonals, patrocinadores a los qu’estimamos el so sofitu nesta iniciativa tan guapa.
