El Real Oviedo precisaba ganar y nun lo fixo. L'equipu precisaba da-y una allegría a la so afición, y sumar el primer trunfu de la temporada. Nun lo llogró, y la tarde terminó col enfadu del Tartiere con tolos estamentos del club.
Con Saúl Berjón fora de la convocatoria por un procesu víricu, Sergio Egea apostó por un 4-4-2 con Joselu y Ortuño en punta, y Yoel Bárcenas en banda. Yacine Qasmi anotaba a los 15 minutos del partíu, na primer llegada del Elche. El Real Oviedo empezaba a remar contracorriente, y el partíu fíxose-y cuesta arriba. Falló Ortuño nuna ocasión clara, con control y remate na área, que se coló esviada por poco. Llegar al descansu col cero a unu.
Na segunda metá tuvo Ortuño una nueva ocasión y remató a les manos de Edgar Badía. Y a la siguiente xugada, nun ataque del Real Oviedo nel que se pidía mano na área del Elche, terminó nuna contra sentenciada por Yacine, col cero a dos definitivu. Entraron Obeng y Omar Ramos, dende'l banquín, y tuvieron dos nueves oportunidaes Ortuño y Tejera, pero nun vieron puerta. Espulsáu Obeng, por colorada directa, y Tejera pola segunda mariella, los últimos minutos fueron de desolación del Tartiere, con enfadu de l'afición, con tolos estamentos de la entidá.
AST
