El Real Oviedo coló derrotáu de Gran Canaria. Un partíu nel que Rozada dio-y entrada a Javi Fdez, Bárcenas y Omar, apostando por Sangalli nel llateral.
Minuto dos de partíu y Narváez anotaba l'unu a cero. El Real Oviedo nun se recupera del mazazu hasta pasáos unos minutos, cuando llogró tener el balón y averase a la meta local pero ensin peligru real. Viera ponia el dos a cero nuna contra y llegábase al descansu.
Cambéu de sistema nel entamu de la segunda parte, entrando Jimmy y Mossa en sustitución de Tejera y Omar. Los meyores minutos del Real Oviedo, onde buscó ensin descansu 'l gol. La banda esquierda, con Yoel y Mossa, yera'l centru del peligru con una decena de centros colgaos a la área que tuvieron la más clara nun remate de cabeza de Borja Sánchez, en carrera, que se coló raspiando'l poste. Champagne atajó 6 córner un disparu cruciáu a la contra. Las Palmas volvía tomar aire y yera de nuevu Viera, a balón paráu en llanzamientu directu de falta, quien anotaba'l trés a cero matando'l partíu. Bárcenas marcaba'l trés a unu en cantu del noventa. Una derrota contundente para l'equipu oviedista que torna de vacíu a casa.
