La xornada 24 en LaLiga SmartBank llevó al Real Oviedo al Heliodoro Rodríguez López pa vese les cares col CD Tenerife, nun partíu nel que los de Ziganda fueron superaos pol so rival, que tuvo un gran entamu d'alcuentru para dexar en desventaxa nel lluminosu a los azules.
Con un once formáu por Femenías; Carlos Isaac, David Costas, Dani Calvo, Mossa; Sangalli, Jimmy, Luismi, Viti; Obeng y Borja Bastón abrieron los azules la fecha 24 nel calendariu.
Na primer metá los locales salieron enchufados al partíu, anotando dos tantos nos quince primeros minutos, y dexando a los de la capital del Principáu noquiaos. Pese al mazazu, los de Ziganda intentáronlo, con tres bones acciones clares de peligru mientres esti primer actu. La primerad'elles tres el saque d'una falta llateral que Luismi remató de cabeza, pero'l balón salió raspiando'l palu de la portería de Juan Soriano.
Precisamente, sería'l mediocentro carbayón quien, con un pase entre la defensa, asistiría a Borja Bastón por que esti tratara de bater al meta tinerfeñu, anque l'esféricu salió raspiando'l gol. Finalmente, Mossa, nuna bona acción dientro de la área, tuvo la última ocasión del primer tiempu de los azules pa retayar diferencies.
Tres el pasu por vestuarios, onde Ziganda dio entrada a Pombo, Borja Sánchez y Lucas, el devenir del partíu foi similar. Un Real Oviedo que buscó reaccionar, pero qu'adulces foi viendo como'l Tenerife, cola fortuna de cara, siguía cutiendo los intereses oviedistas. Jirka foi'l cuartu futbolista azul n'entrar al terrén de xuegu, xusto primero que Lucas tuviera la más clara d'esta metá, ente la que Soriano respondió con una gran parada. El Tenerife punxo un nuevu tantu nel marcador. Joni Montiel foi la última permuta introducida por Ziganda nel partíu, qu'acabó con otru gol para los locales.
El Real Oviedo va volar mañana a Asturies y va empezar, dende'l llunes, a preparar el choque del próximu sábadu ente'l Almería nel Carlos Tartiere.
