El Real Oviedo coló de vacíu de La Rosaleda nun partíu raru, que terminó cola racha positiva de cinco xornaes ensin conocer la derrota.
Nuna primer parte na que los de Rozada aguantaron los primeros aceleríos de los locales, Sangalli daba'l sustu con una indisposición que-y obligaba retirase. Yoel Bárcenas entraba nel so llugar. Recuperábase'l Real Oviedo ensin ocasiones clares y ensin sufrir demasiáu. Dos acercamientos protagonizaos por Sangalli y Saúl que terminaron en manos de Munir.
Na segunda metá y cuando meyor taba l'equipu de Rozada, llegó'l gol de Antoñín para poner per delantre al Málaga. Nel minutu 60 el colexáu decretaba penalty nuna acción dudosa que nun foi a revisar a la pantalla de VAR. Yera'l dos a cero y tresformaba Adrián. -y dió entrada Rozada primero a Joselu y dempués a Ibra, y foi esti postreru al refugue'l qu'anotó'l gol oviedista retayando distancies nos últimos minutos. Pocu o nada xxugóse dende esi momentu, y el Real Oviedo coló ensin puntuar de La Rosaleda.
