Demasiáu castigu para'l Real Uviéu nuna tarde bien especial nel Carlos Tartiere que nun tuvo un bon final.
El primer once de Bolo formó con Obeng y Bastón en punta, y cola única novedá sobre la pasada campaña d'Alonso Aceves d'entamu nel llateral esquierdu. Hubo acercamientos, pero non demasiaes ocasiones clares na primer metá, con un Tartiere entornáu col so equipu y con Jesús Martínez y Martín Pelaez presenciando per primer vegada un partíu del so equipu nel Tartiere.
Na segunda metá, yá salió d'otra forma'l conxuntu oviedista, con valentía y verticalidá. Movió rápido tamién banquín Bolo, y foi enfrescando tol equipu de medio campu escontra alantre. Tuvo ocasión clara Hugo Rama con un potente disparu qu'unvió la meta visitante a córner. Emburriaba'l conxuntu uvieista con ocasiones de tres homes dende'l banquín: Sergi Enrich, Montoro y Sangalli. Yá nel 90 y en viendo una colorada directa Sergi Enrich, l'equipu aguantaba pero nun balón paráu encaxóse'l cero a unu definitivu que -y dió el trunfu al Andorra.
Con too y con eso l'equipu foi despidíu con haka y aplausos de más de 14.000 oviedistas qu'afalaron a los suyos hasta'l final.
